6. A Hymn to the Virgin

Anonymous. c. 1300


OF on that is so fayr and bright
        Velut maris stella,
Brighter than the day is light,
        Parens et puella:
Ic crie to the, thou see to me,
Levedy, preye thi Sone for me,
        Tam pia,
That ic mote come to thee
        Maria.

Al this world was for-lore
        Eva peccatrice,
Tyl our Lord was y-bore
        De te genetrice.
With ave it went away
Thuster nyth and comz the day
        Salutis;
The welle springeth ut of the,
        Virtutis.

Levedy, flour of alle thing,
        Rose sine spina,
Thu bere Jhesu, hevene king,
        Gratia divina:
Of alle thu ber'st the pris,
Levedy, quene of paradys
        Electa:
Mayde milde, moder es
        Effecta.


levedy
lady
on
one
pris
prize
thuster
dark
The Oxford Book of English Verse, HTML edition